旅遊攝影師

如果做空中服務員係你嘅夢想,做攝影師係你嘅興趣!咁你一定好羨慕旅遊雜誌攝影師依個職業!你話有咩工開心得過夢想興趣集於一身,重要搵到食先?!

一直都覺得旅遊雜誌攝影師依行可遇不可求,一定要經人事介紹先可以入行,原來每到暑假就係依行嘅高峰期,大量需要人手,分分鐘重會有D兼職比有興趣嘅人試下添! 所以多加留意旅遊雜誌喇! 而想入行嘅朋友,除左要裝備自己重要有好好嘅溝通能力。

如果冇讀過任何攝影相關嘅課程,亦都冇類同嘅工作經驗,就一定要由低做起,即係做下跑腿,比人指指點點,揸下反光板等等。好彩嘅係,依家唔係舊時,捱佢一年半載好快就揸得機架喇!

唔單止記者需要良好嘅溝通技巧,攝影師都需要! 原因係Model﹑記者,攝影師都係鐵三角,缺一不可!一篇吸引嘅旅遊報導,唔可以冇記者淋漓盡致嘅描述同介紹,當中吸引你目光停留嘅照片,唔可以冇攝影 師捕捉Model享受嘅一刻。記者需要文字,攝影師需要構圖,如果之前冇同Model溝通同交流,就好難影到如期嘅效果。對於旅遊攝影師依個職業,可能有好多人都有餘下嘅提問;

1.攝影師可唔可以揀Model架?
2.可唔可以揀地方影相架?
3.攝影器材公司包唔包架? 整壞左公司器材駛唔駛賠?

當然啦,攝影師可以揀Model亦可以揀地方影相,不過你揀人時,人揀你! 就好似返中國大陸,唔係有好多Model都願意去架!至於攝影器材,公司唔單止會提供,甚至會有器材公司贊助。所有嘅器材一律都會買保險,但係自己買嘅搵食工具,sorry,公司都唔會Sponsor,有咩損壞,只可以怪自己黑仔喇!

攝影係一項高深嘅學問,攝影師當然需要專業知識! 雖然有美學根底會有獨特觸覺,亦可以快d掌握構圖! 但攝影只需要投入,想增進知識同技巧,只要睇多D雜誌同相展,平時留意多D睇多D身邊嘅大小事,就可以架喇!!
其實唔需要太拘泥器材,因為都只係工具! 只要用心拍照,即使DC,都一定可以影到靚相!