今日就綵排一下。
如果比我揀...
其實我覺得一定要自己揀,因為成件事都係屬於"自己",而唔係坐喺堂中的任何一位,所以要點揀應該由自己話事。
首先,唔要濃妝!!最討厭馬騮屎忽!所以唔要白臉紅腮,都唔明好地地做咩要搞到成個紙紮公仔咁!如果依個世上真係有鬼魂,頭七返黎我一定會complain complain同complain!係咁意用d mascara加少少口紅就prefect喇!我個尊容都唔駛搞咁多野嘅!
二)大堂中張相最緊要"型"!不過我發覺最型的都係憂鬱style,唔知可唔可以將咁多張相group埋一齊呢?唔駛揀得咁煩,幾好呀!
三)我冇乜花特別鍾意,不如你地一人送我一支!但千祈唔好劍籣,康乃馨依d,老套到爆,滿天星我ok buy!但最好有其他colour點綴下,再唔係一人砌一幅puzzle﹑一張相﹑一幅畫﹑一樽沙,一封信都得,總之閣下認為有意思就ok喇!
四)好怕人吟吟尋尋,死唔斷氣咁,千祈唔好請班人黎打鑼打鼓同埋燒香!到時佢一句依依哦哦,你一句 b lee波law,我係唔會掛住你地架!唔好咁長氣啦!真係死左都唔得安樂!燒香,純粹我唔鍾意嗰陣味,要燒,不如燒煙把啦!
五)千祈唔好有破地獄!每當見到依一part,真係失禮都忍唔住笑一下,除左成班人毫無節奏感地跳黎跳去,又冇音感地依依丫丫咁叫,我真係感受唔到佢地到底破左邊一層地獄出黎!更何況我又唔信依d教,就算信,冇啦啦叫班人黎破我個地獄做乜野?!破左,我咪硬食要落去?所以都係播歌好!至於我鍾意咩歌...酩酊天使,笑忘書等等,依d就要你地追溯番喇!因為每次有喜歡的都有提過,又或者搵下姑媽,佢口味同我差唔多,應該都略之一二。
六)有d人不嬲都冇聯絡開,千祈唔好懶係有心咁送我最後一程!簡直係生時冇交流,走亦留唔住!我點走都是最好的!好意,心領喇,我驚到時訓喺度都識眼眉跳,其他人會意為屍變呀!
七)我希望可以將d骨灰灑入大海!雖然游唔到水,但我鍾意海,因為代表自由,(但唔該盡量搵個乾淨d,最好係加勒比海!嘩哈哈哈!!)
而最後亦都係最重要的,請捐晒我身體所有有用嘅器官!器官捐贈卡都跟左我十幾年,隨身帶住!反正人死左,一把火都冇晒架啦,點解唔留番d有用嘅野比其他人?!啱駛就拎去啦,佢地一定唔會排斥架!放心啦!!
以上,就是我最終想要的!其實加加埋埋都唔駛搞d乜,skip晒所有凡文俗節,好似外國咁有個a memorial meeting 就得!食下野傾下計,簡單又唔駛煩!
0 意見:
張貼留言