我相信,全球最暢銷的書,並唔係聖經,而係另一本經,<難唸的經>! 因為家家有本難唸的經...拿!唔好車我~雖然爛左少少,不過又係事實噃!
已為人父母嘅朋友,你地最庝愛係邊個丫?
做人仔女嘅你地,又認為最煩嘅又係邊個丫?
baba mama :當然係我個寶貝啦! 樣樣都為佢設想架!
仔仔囡囡:當然係我父母啦! 樣樣都以為為我好!
到底,有幾多老豆老母可以以朋友身份同仔女相處同溝通? 而家依個年代,好多家庭都係得一個小朋友,咩都話要比最好嘅佢.d細路又高貴左,比阿爸阿媽打都話要報警!鬧下佢又話hurt到個弱小心靈!有時喺街見到d 0靚仔,真係招積到想出手教訓佢!
依班細路的確比佢地父母寵壞左,但的確亦有另一群細路每日被佢地父母打壓佢地自尊。
"你有冇腦架? " , "生舊叉燒都好過生你" , "咁多人死唔見你死" ,又或者一連串炒蝦拆蟹問候自已個仔個阿媽咁...心裡面真係滿腔疑惑,你地到底愛唔愛佢架? 點解要生佢出黎? 純粹一場意外?一場童話夢? 傳宗接代? 舊社會,唔駛點養!新世代,唔知點養!
你有古舊封閉思想,我有憤世嫉俗嘅態度! 溝通係一門高深學問,何況我地隔左十幾個溝? 一個人有幾十個朋友,對外可以面面俱圓,對內點解要聲嘶力竭?
贏左場交,無左個家。值得咩?
0 意見:
張貼留言