第一次的日出

一直都好想影下日出日落,奈何依幾日個天都係濛濛地,有幾次打算出動都要打退堂鼓,可惡也!

但,最後都係敵不過心癮! check晒天文台,都知道可能會落雨,但都係唔理咁多,星期日照出發!!

3:40am一行3人踩單車入船灣,沿途望個天都好厚雲,不過好彩都有一陣陣勁風,間唔中都見到月亮同星星。5:30am我地終於上左堤壩,因為突然間咁黑嘅關係,對眼重未適應到,加上強風由四方八面咁吹埋黎,我當時擔心跌落湖多過踩單車PK,哈哈哈~~ 雖然如此,但都難掩我興奮心情!!雖然個天仍然好厚雲,亦見唔到日出,但親眼望住個天開始轉色,嗰種感覺仍然十分Amazing! 大自然太強喇!

因為唔想太過平面嘅關係,今次特別打斜少少影個景,不過仍然有待改進!真係十分多謝各師兄賜教,等我再深明白點樣構圖,可以令張相更加順眼!

無錯,我影相係靠感覺, 始終堅持拍有感! 如果張相我認為加左effect後,感覺更強的話,我仍然會堅持effect效果! 依個就係阿嵐我喇! 哈哈~