膠膠地

以前細個分別有三隻錶;紫色玩具電子錶,可以變成機械人的黑色電子錶,最後係米老鼠自動錶。
可惜,以上三隻錶都壯烈犧牲...不過唔記得由幾時開始,我愛上儲錶。

黑的黃的紅的白的藍色的,皮的膠的鋼的手鏈款的,基本上,我咩都啱! 不過最鍾意都係陪我差不多9年的SEIKO,雖然錶帶已經有點問題,不過可惜再配唔到另一條新的,唯有盡量唔戴佢出街啦!

手錶不單止睇時間,仲可以配衫配心情,而且買錶唔一定要去錶舖,我本人最鍾意就係去地攤尋寶!

雖然已經有一段時間沒比膠錶吸引,但最近見到Alessi的Daytimer,嘩~佢個扭計蛇外型好得丫!而且又有4隻色選擇,最緊要佢有綠色比我揀,好蛙呀!! OLED顯示屏+人體工學設計,錶扣亦可以收藏錶帶入面,雖然吸引,不過單價要$890,名設計師設計真係貴嘅啫!